“СУПЕР” МӨНГӨӨ АВЧ БОЛОХ ТОХИОЛДЛУУД БА ШААРДЛАГУУД
65 нас хүрэх үед
Preservation age-д хүрэх ба тэтгэвэрт гарах үед (таныг хамгаалах нас буюу preservation age нь төрсөн он, сар, өдрөөс хамаарч өөр өөр байдаг. 55-60 хооронд хэлбэлздэг. Та Австралийн Татварын албаны (ATO) вэбсайтаас эсвэл “супер” сантайгаа холбогдож preservation age-ээ олж мэдэх боломжтой.)
Тодорхой нөхцөл байдлын улмаас хугацаанаас нь өмнө авах шалгуурыг хангасан үед
Хэрэв та тэтгэвэрт гарах насандаа хүрсэн бол “Супер” сантайгаа холбогдож, шаардлагатай маягтыг бөглөн өргөдлийн хамт “супер” сандаа илгээх хэрэгтэй.
Мөн та “супер” сангийн мөнгөө хэрхэн авах доорх аргуудаас аль нэгийг нь сонгосон байх хэрэгтэй. Үүнд:
Нэг удаагийн төлбөр: Та “супер” төлбөрөө бүхэлд нь эсвэл хэсэгчлэн авах боломжтой.
Орлогын урсгал (тэтгэвэр): Та “супер” сангаасаа тогтмол орлого маягаар авах боломжтой. (Цалин авдаг шиг)
Хослуулсан сонголт: Та “супер”-ийнхээ талыг нэг хэсэг болгон авч, үлдсэнийг нь орлогын урсгал маягаар авч болно. Таны “супер” сан таны өргөдлийг хянан үзэж, зөвшөөрсөн бол таны сонгосон төлбөрийн сонголтын дагуу “супер” мөнгийг тань гаргах болно. Хэрэв та нэг удаагийн төлбөрийг сонгосон бол мөнгө таны нэрлэсэн данс руу шилжиж, хэрэв та орлогын урсгалыг сонгосон бол төлбөрийг тохиролцсон хуваарийн дагуу хийх болно.
Таны “супер” сан таны өргөдлийг хянан үзэж, зөвшөөрсөн бол таны сонгосон төлбөрийн сонголтын дагуу “супер” мөнгийг тань гаргах болно. Хэрэв та нэг удаагийн төлбөрийг сонгосон бол мөнгө таны нэрлэсэн данс руу шилжиж, хэрэв та орлогын урсгалыг сонгосон бол төлбөрийг тохиролцсон хуваарийн дагуу хийх болно.
Таны нас, буцаан татсан мөнгө болон сонгосон төлбөрийн сонголтоос хамааран “супер”-т хандахтай холбоотой татвар төлөх шаардлага гарч болзошгүй. Эдгээр үр дагаврыг ойлгож, зохих ёсоор төлөвлөхийн тулд мэргэшсэн санхүүгийн зөвлөх эсвэл татварын мэргэжилтнээс зөвлөгөө авахыг зөвлөж байна.
Та Австрали улсын иргэн болсон бол хэр удаан хугацаанд Австралид оршин суусан байх ёстой вэ?
“Супер” мөнгөө авахын тулд та:
Австралид амьдардаг Австралийн иргэн байх ёстой ба нийт 10-аас доошгүй жил оршин суусан байх шаардлагатай. Эдгээрээс дор хаяж 5 жилийн хугацаанд завсарлага байх ёсгүй.
Зарим хүмүүс Австралид 10-аас доош жил оршин суусан ч “супер”-ээ авах боломжтой ба хэрэв та дүрвэгч бол 10 жилийн дүрмийг харгалзалгүйгээр тэтгэвэр авч болно.
Хэрэв та болон таны нөхөр Австралийн иргэн байгаад нөхөр тань нас барсан ч та дор хаяж түүнтэй 2 жил Австралид хамт амьдарсан бол (Таны Австралид оршин сууж байсан түүхийг тогтоохын тулд нэмэлт мэдээлэл хэрэгтэй байж магадгүй).
Түр визагаар амьдарч байгаад эх орон руугаа буцаж байгаа бол “супер” мөнгөө авах боломжтой:
Хэрэв та Австралид ажиллаж байсан, сардаа 450 AUD буюу түүнээс дээш (татварын өмнө) цалинтай байсан бол таны “супер” санд тодорхой хэмжээний мөнгөтэй байх магадлалтай юм. Хэрэв тийм бол дараах тохиолдолд та Австралиас явсныхаа дараа “супер” сангийнхаа мөнгийг авах боломжтой. Ингэхэд Австрали данс хэрэгтэй тул дансаа хаахгүй байх хэрэгтэй.
Австралийн хилээр гарсан гэдгээ нотлох шаардлагатай
Монголын пасспорт
405 болон 410-аас бусад төрлийн түр визтэй байсан бол
Австралийн виз нь хүчингүй болсон бол (үүнд жуулчны бүх виз багтана)
Үүнийг Австралиас гарах тэтгэмжийн төлбөр (DASP) гэж нэрлэдэг. Мөнгөө авах Австрали данс хэрэгтэй тул дансаа хаахгүй байх хэрэгтэй. Бүртгэлтэй татварын ажилтан DASP онлайн зуучлалын өргөдлийн системээр дамжуулан таны өмнөөс DASP-ийг нэхэмжлэх боломжтой байдаг бөгөөд Монгол ажилтнуудаасаа зөвлөгөө авах боломжтой. Энд дарж мэдээлэл аваарай.
Хэрэв ажил олгогч нь таны “супер”-ийг зөв төлөхгүй бол яах вэ?
Та мөн Estimate my super хэрэглүүрийг ашиглан ажил олгогч тань хэр их “супер” мөнгийг таны дансанд төлөхийг шалгах боломжтой. Хэрэв та ажил олгогч тань таны авах ёстой “супер” төлбөрийг төлөөгүй гэдэгт итгэлтэй байгаа бол 13 10 20 дугаарын утсаар холбогдон мэдэгдэж болно. Ажилчдынхаа “супер”-ийг зөв төлдөггүй ажил олгогчид дутуу төлбөрийн хэмжээ, түүний хүү (одоогоор 11%) болон захиргааны хураамжаас бүрдэх тэтгэврийн хураамж төлөх шаардлагатай болдог.
Comments